រថយន្តមន្ទីរ ពេទ្យបង្អែកហ៊ុនសែន ស្ទឹងត្រង់ ក្រឡាប់ ពេលដឹកអ្នកជំងឺ ទៅសង្គ្រោះ

កំពង់ចាម៖ គ្រោះថ្នាក់ចរាចរមួយ បានកើតឡើង កាលពីវេលា ម៉ោង៨ព្រឹក ថ្ងៃ ០១ ខែសីហា ឆ្នាំ២០១៤ នៅចំណុច ភូមិព្រែកព្រះអង្គ ឃុំព្រែកបាក់ មានគ្រោះថ្នាក់ចរាចរណ៍ បង្កដោយឡើង រថយន្តសង្គ្រោះបន្ទាន់ មន្ទីពេទ្យបង្អែកហ៊ុន សែនស្ទឹងត្រង់ បានដឹកអ្នកជំងឹ ទៅកំពង់ចាម បានក្រឡាប់ ។

ប្រភពព័ត៌មានពី នគរបាលមូលដ្ឋាន បានឲ្យដឹងថា មុនពេលកើតហេតុ រថយន្តមន្ទីពេទ្យបង្អែកហ៊ុន សែនស្ទឹងត្រង់ បានដឹកជំងឺយក ទៅព្យាបាលនៅមន្ទីរពេទ្យ ខេត្តកំពង់ចាម លុះមកដល់ចំណុច កើតហេតុខាងលើ រថយន្តក៏បានរេចង្កូត ធ្លាក់ផ្លូវក្រឡាប់តែម្តង ។

ប្រភពព័ត៌មានបានបន្តថា នៅក្នុងហេតុការណ៍នោះ បណ្តាលអោយ រងរបួសមនុស្ស ៣ នាក់ ធ្ងន់ ១នាក់ ស្រាល ២នាក់ ។

ក្រោយកើតហេតុ ស្នងការនគរបាល ខេត្តកំពង់ចាម លោកឧត្តមសេនីយ៍ បែន រត្ន័ ក៏បានបញ្ជាកម្លាំងភ្លាមៗ ដើម្បីជួយអន្តរាគមន៍ នៅកន្លែងកើតហេតុផងដែរ ដើម្បីដឹកជនរងគ្រោះ បន្តមកខេត្តកំពង់ចាម ផងដែរ ៕