រកឃើញពេជ្រពណ៌ខៀវ ដែលកម្រ បំផុត ក្នុងលោក មានតំលៃដល់ទៅ ជាង ១០០លានដុល្លារ

អាហ្រ្វិកខាងត្បូង៖ តើអ្នកនឹងធ្វើយ៉ាងណា ប្រិសិនបើមានដុំពេជ្រ ទំហំប៉ុនផ្លែស្តរបឺរី នៅក្នុងដៃអ្នក។ ប៉ុន្តែនេះគឺជារឿងដ៏កម្រ នឹងកើតមានណាស់។

តាមប្រភពសារព័ត៌មានបានឲ្យដឹងថា ក្រុមហ៊ុនរុករកពជ្របាន ជីកឃើញដុំពេជ្រពណ៌ខៀវ ដែលកម្របំផុត មានទម្ងន់ ១២២.៥ ការាត់ នៅអាហ្រ្វិកខាងត្បួង និងមានតំលៃចាប់ពី ១០០ លានដុល្លារអាមេរិក ឡើងទៅឯណោះ។

ដុំពេជ្រដែលកម្រនេះ ត្រូវបានរកឃើញដោយ ក្រុមហ៊ុនរុករកពេជ្រ Petra Diamonds ដែលមានទីតាំងនៅក្បែរ ទៅក្រុង Pretoria អាហ្រ្វិកខាងត្បូង។ ហើយអ្នកដែលធ្វើការ ក្នុងក្រុមហ៊ុននេះ បានឲ្យដឹងថា វាពិតជារឿងដែល កម្របំផុតក្នុងការ ជីករកឃើញ ពេជ្រដែល មានពណ៌ខៀវ និង ធំ ដូច្នេះ។

គួរបញ្ជាក់ផងដែរ  ដុំពេជ្រនេះ មានទំហំជាង ១២២ ការ៉ាត់។ ហើយអ្វីដែលពិសេសនោះ គឺដុំពេជ្រដ៏កម្រមួយនេះ អាចមានតំម្លៃដល់ទៅ ជាង ១០០លានដុល្លារឯណោះ។ អ្នកធ្វើការនៅក្នុងក្រុមហុន រុករកពេជ្រនេះ បានឲ្យដឹងថា ការដែលធ្វើឲ្យដុំពេជ្រមួយនេះ មានពណ៌ខៀវ គឺដោយសារតែ វាស្ថិតនៅក្នុងដីដែល ហុមព័ទ្ធទៅដោយ គ្រីស្តាល់ និង សារធាតុគីមីដែលចេញពី នុយក្លេអ៊ែរ ។ ម្យ៉ាងវិញទៀត ប្រសិនបើដុំពេជ្រ កាន់តែខៀវ តំលៃក៏កាន់តែខ្ពស់ ទៅតាមនោះផងដែរ។

ដុំពេជ្រពណ៌ខៀវ ដែលកម្រនេះ ត្រូវបានគេរក្សាទុក និង យាមកាមយ៉ាងប្រុងប្រយ័ត្ន នៅកន្លែងសុវត្ថិភាព ក្នុងអាហ្រ្វិកខាងត្បូង ហើយនឹង ត្រូវយកទៅដាក់លក់ ទៅក្នុងទីក្រុង Johannesburg មុនពេលដែលវា ត្រូវបានគេយកទៅកែច្នៃ៕

ប្រភព ៖ បរទេស

ដោយ ៖ ណា

ខ្មែរឡូត