លាក់បានល្អ! តារាស្រី Kpop ក្នុងក្រុមដ៏ល្បីនៃ ជំនាន់ទី៣រូបនេះ មានទំនាក់ទំនងជាមួយ Producer ជាង៨ឆ្នាំមកហើយ

កូរ៉េខាងត្បូង៖ កាលពីពេលថ្មីៗនេះ ខាងសារព័ត៌មាន Dispatch នៃប្រទេសកូរ៉េ បានទម្លាយទំនាក់ទំនងរបស់តារា Kpop មួយគូរទៀតហើយ​ ដែលបានទាក់ទងគ្នាអស់រយៈពេលជាង៨ឆ្នាំឯណោះ។ គេបានទម្លាយថា តារាចម្រៀងស្រីនោះគឺ ជាសមាជិក ក្នុងក្រុម Apink ដែលជា Kpop ជំនាន់ទី៣គឺ Bomi។

ជាមួយគ្នានេះ គេបានឲ្យដឹងថា Bomi បានបង្កាត់ភ្លើងស្នេហ៍ជាមួយនឹង ផលិតករម្នាក់ឈ្មោះថា Rado ដែលលោកស្ថិតនៅក្រោយផលិតកម្ម HIGHUP Entertainment ហើយអ្នកទាំងពីរបានស្គាល់គ្នាតាមរយៈការផលិតចម្រៀងនេះ ដោយកាលពីឆ្នាំ២០១៦ លោក Rado ជាអ្នកសរសេរចម្រៀងបទ​ Only One ឲ្យក្រុម Apink។

លើសពីនោះ គេបញ្ជាក់ទៀតថា Bomi និង Rado មានការគាំទ្រគ្នាខ្លាំងណាស់ទៅវិញទៅមក ហើយបច្ចុប្បន្នពួកគេបានភ្ជាប់ពាក្យរួចរាល់ហើយ។ គួរបញ្ជាក់ផងដែរថា Bomi និង Rado បានទាក់ទងគ្នាតាំងពីឆ្នាំ២០១៧មកម្ល៉េះ គិតមកដល់សព្វថ្ងៃគឺ៨ឆ្នាំហើយ៕

ប្រភព៖ Koreaboo