អតីតស្វាមី សាន់ឆាយ បង្ហាញអារម្មណ៍បែបនេះ ក្រោយពីមិនបានជួបកូន

កម្សាន្ត៖ អ្នកជំនួញ លោក Wang Xiaofei ដែលត្រូវបានគេស្គាល់ថា ជាអតីតស្វាមី តារាសម្ដែងស្រី Barbie Hsu បានយំ បង្ហាញការខកចិត្តព្រោះនឹកកូនស្រី ខណៈអតីតភរិយា បដិសេធ មិនឲ្យលោកឃើញកូន ដូចពីមុន។

នៅក្នុងការ Live កាលពីថ្ងៃទី ២០ ខែមេសាកន្លងទៅនេះ លោក Wang Xiaofei បាននិយាយថា បន្ទាប់ពីការកាត់ក្តីចុងក្រោយបំផុតក្នុងខែមីនា Barbie Hsu មានអាកប្បកិរិយាឆេវឆាវ និងមិនអនុញ្ញាតឱ្យអតីតស្វាមីរបស់នាង ឃើញកូនស្រីរបស់នាង ទៀតឡើយ។ បន្ទាប់ពីនាងបានយក​កូន​ពី​ផ្ទះ​អតីត​ស្វាមីមក នាង​មិន​ឲ្យ​លោក​យក​កូន​ទៀត​ទេ ខណៈដើម្បីមើលកូន គឺត្រូវតែទៅសាលារៀន ដើម្បីសួរសុខទុក្ខ។

យ៉ាងណាមិញ កាលពីមុន​នោះ អតីតគូស្វាមីភរិយាអ្នក​ទាំង​ពីរ​ បាន​ឈាន​ដល់​ការ​ព្រមព្រៀង​គ្នា​ថា កូនស្រី​អាច​នៅ​ជាមួយ​ឪពុក​បានរយៈពេល​ប៉ុន្មាន​ថ្ងៃ។ តែការផ្លាស់ប្តូរដែលមិននឹកស្មានដល់របស់ អតីតភរិយា បានធ្វើឱ្យ លោក Wang Xiaofei ខឹងសម្បារយ៉ាងខ្លាំង ផងដែរ៕

ប្រភព៖ Ngoisao.net

សូមទស្សនារូបភាពខាងក្រោម៖