បុរសម្នាក់បានបង្កើតនូវរូបមនុស្សតូចៗ ដ៏អស្ចារ្យអាចធ្វើការងារជាច្រើន

វិចិត្រករ ជនជាតិអង់គ្លេសម្នាក់ បានធ្វើឲ្យមនុស្សជាច្រើនមានការភ្ញាក់ផ្អើល ជាមួយនឹងសិល្បៈធ្វើរូបមនុស្សតូចៗរបស់គាត់។

វិចិត្រកររូបនេះ មានឈ្មោះថា Roy Tyson ជំនាញក្នុងការធ្វើរូបមនុស្សតូចៗ ដែលរួមផ្សំជាមួយនឹង របស់ប្រើប្រាស់ផ្សេងៗ ឬ សត្វដែលមានទំហំធំ ប្រៀបដូចជាមនុស្ស និងយក្សអញ្ចឹង។ គាត់តែងតែបង្កើតនូវទិដ្ឋភាពប្លែកៗ និងគួរឲ្យអស់សំណើចជាច្រើន ពីរូបមនុស្សដ៏តូចៗរបស់គាត់។ ដូចជាមនុស្សមួយក្រុមនោះ ដូចជាអ្នកវិទ្យាសាស្ដ្រ ដែលកំពុងតែសិក្សាស្រាវជ្រាវពី កន្ទុយបារី ដែលប្រើប្រាស់រួចជាដើម។

លោក Roy មានអាយុ ២៦ឆ្នាំ មកពីក្រុង Essex បានទិញនូវរូបតូចៗជាច្រើនទុក បន្ទាប់មកក៏ចាប់ផ្ដើមដាក់ពណ៌ ទៅលើរូបទាំងនោះ ទើបចាប់ផ្ដើមថតរូប។ រូបរបស់គាត់ ធ្លាប់បានដាក់តាំងបង្ហាញក្នុងកម្មវិធីជាច្រើន និងបានដាក់លក់ផងដែរ។

នៅពេលទំនេរគាត់ចូលចិត្តដើរមើល ទេសភាពនៅតាមផ្លូវ ហើយគិតពីមនុស្សតូចៗរបស់គាត់ អាចធ្វើអ្វីខ្លះជាមួយនឹងវត្ថុទាំងនោះ។

តើប្រិយមិត្តយល់យ៉ាងណាចំពោះគំនិតច្នៃប្រឌិតរបស់ លោក Roy? សូមទស្សនារូបភាពរបស់គាត់ខាងក្រោម៖

កែសម្រួលដោយ អៀង

ខ្មែរឡូត