Loginឌ្រីមសេ១១០ បុកសង់កូរ៉េសងថ្លៃខូចខាត១៥ដុល្លារ
ច័ន្ទ ២៥ មិថុនា, ២០១២ ម៉ោង ១០:៤៦រាជធានីភ្នំពេញ ៖ បុរសម្នាក់ជិះម៉ូតូម៉ាកឌ្រីមសេ១១០ ពណ៌ខ្មៅ រួមដំណើរជាមួយមិត្ត ភក្តិម្នាក់ទៀត តាមបណ្តោយផ្លូវលេខ១៥១ ពីត្បូងទៅជើងជិះបញ្ច្រាសផ្លូវក៏ជ្រុលទៅបុកម៉ូតូសង់កូរ៉េ ពណ៌ក្រហម បណ្តាលឱ្យអ្នកបើកបរម៉ូតូសង់កូរ៉េរងរបួសស្រាលរលាត់ដៃជើង ចំណែកឯម៉ូតូរងការខូចខាតដោយបែកកាទែ។
ហេតុការណ៍គ្រោះថ្នាក់ខាងលើនេះបានកើតឡើងកាលពីវេលាម៉ោង២និង៤០នាទីរំលងអធ្រាត្រឈានចូលថ្ងៃទី២២ មិថុនា ២០១២ នៅត្រង់ចំណុចផ្លូវបែកជា៤ ក្នុងសង្កាត់ផ្សារថ្មីទី៣ ខណ្ឌដូនពេញ ។ ក្រោយពេលកើតហេតុអ្នកបើកបរម៉ូតូឌ្រីមសេ១១០ បានចេញថ្លៃខូចខាតចំនួន១៥ដុល្លារជាការបញ្ចប់រឿង ។
ព័ត៌មានលំអិតនឹងផ្សាយជូននៅពេលក្រោយ នៅលើទំព័រកាសែតកោះសន្តិភាព និងនៅតាមវិទ្យុសំឡេងកោះសន្តិភាព FM 87.75 រាជធានីភ្នំពេញ, FM 87.5 ខេត្តបាត់ដំបង៕
បញ្ចូលអត្ថបទ ៖ បុប្ផា កោះ
ផ្តល់សិទ្ធដោយ កោះសន្តិភាព
មតិ (Comments)