ខឹងប្រពន្ធ យកកូនស្រីមកអង្គុយនៅមាត់បង្អួតជាន់ទី៦

នេះជាពត៌មានថ្មីៗដែលទើបតែ កើតឡើងនោះគឺ ឪពុកដ៏កំណាចម្នាក់ បានយកកូនស្រីរបស់ខ្លួនដែលមានអាយុ ៣ឆ្នាំ​មកអង្គុយលើមាត់បង្អួតផ្ទះជាន់ទី៦ បន្ទាប់ពីឈ្លោះគ្នាជាមួយនឹងប្រពន្ធ។

រឿងនេះបានកើតឡើងនៅក្នុងទីក្រុង​ Guangzhou នៃភាគខាងត្បូងនៃខេត្ដ Guangdong ​ក្នុងប្រទេសចិនដែល ក្រុមគ្រួសារបុរសម្នាក់នេះទើប តែផ្លាស់ប្ដូរមករស់នៅក្នុងតំបន់នេះ។ អ្នកជិតខាងបាននិយាយថា បុរសនេះមានបំណងចង់ទំលាក់ កូនស្រីរបស់ខ្លួនចុះមកក្រោម ដែលនៅពេលនោះគាត់យកជើងស៊កចូលប្រលោះភ្លៅ របស់កូនស្រីគាត់និងប្រើដៃតែម្ខាង ក្នុងការកាន់អាវកូនស្រីរបស់គាត់តែប៉ុណ្ណោះ។ ភ្លាមៗនោះអ្នកជិតខាង ដែលបានឃើញសកម្មភាពនេះ ក៏បានទូរស័ព្ទទៅ ប្ដឹងប៉ូលីសដែលនៅក្នុងពេលនោះអ្នកពន្លត់ អគ្គិភ័យបាននាំគ្នា រៀបចំពូកខ្យល់នៅខាងក្រោម។ នៅពេលដែលប៉ូលីសទៅដល់ ពួកគេក៏បានធ្វើការសម្របសម្រួលជាមួយនឹង ឪពុករូបនេះហើយក៏ យកក្មេងស្រីនេះមកកន្លែងសុវត្ថិភាព។ តាមសម្ដីប៉ូលីសបានឲ្យដឹងថាបុរសរូបនេះ ជាអ្នកជក់គ្រឿងញៀន ដែលគ្រឿងញៀននេះបានឥទ្ធិពលក្នុងការ រុញច្រានរូបគាត់ទៅធ្វើសកម្មភាពបែបនេះ៕

កែសម្រួលដោយ ម៉ា

ខ្មែរឡូត